Zeneral

Lofis Curatelle i donn bann servis swivan

  1. Lapwentman egzekiter/ egzekitris
  2. Lapwentman fidisyer
  3. Ladministrasyon propriyete abandonnen
  4. Sipervizyon travay bann egzekiter e fidisyer
  5. Konfirm egzekiter k’in ganny apwente andeor Sesel

Wi, ou pou bezwen pey bann fre swivan:
1. Fre pou fayle en laplikasyon
2. Fre pou anrezistre ekstre Lord Lakour e son piblikasyon dan Gazet Ofisyel
 
Klik la anba pou bann Fre Lakour   

Ou kapab reprezant ou lekor me nou fortman rekomande ki ou konsilte en avoka oubyen reprezantan legal, an ka ki bann sirkonstans I demann diferan dokiman oubyen lenformasyon. Petisyon pou lapwentman oubyen konfirmasyon bann egzekiter I normalman ganny drafte par avoka; ki bezwen e ekspekte donn kliyan konsey korek konsernan fonksyon e devwar en egzekiter.

Silvouple note ki se petisyonner limenm ki pey fre avoka.

Ou kapab met en konplent par:

  1. Vin kot Lofis Curatelle an personn, kot en anplwaye ava diriz ou kot sa zofisye respektif.
  2. Kontakte nou lo nimero +248 4289500
  3. Anvoy nou en e-mail lo ladres; [email protected]
  4. Vizit nou sitweb

Abiy dan en fason ki konfortab e ki apropriye, I en parti enportan dan lafason ki ou prezant ou lekor. Pa met en lenz ki tro sere oubyen ki tro dekolte. Si ou pa asire ki ou kapab mete, ou kapab touzour kontakte nou pour en pti konsey.

Peyman bann fre I ganny fer kot lofis kontabilite Curatelle lo premye letaz Premiere Building. Lofis Curatelle I kapab selon son diskresyon aksepte sa bann metod peyman swivan:

Cash

Cheque

POS

Nou swete ofer peyman atraver internet byento

Ou bezwen donn notis en rapel an ekri, ki ou depoz kot biro Curator 30 zour travay apre dat sa dezisyon ki ou pe fer en rapel kont.

Egzekiter

En egzekiter/ egzekitris i en dimoun ki annan en lentere legal e ki ganny swazir par zeritye e answit apwente par Curator pour:

  1. Fer en lenvanter tou bann byen
  2. Pey tou det e lobligasyon legal sa defen
  3. Distribye sa ki reste avek tou bann zeritye an akor avek lalwa ki anfors.
  4. Mentenir, administre e reprezant leritaz.

Dan ka kot sa defen in kit en testaman, sa egzekiter ava egzekit bann term e kondisyon dernyen testaman sa defen, an akor avek lalwa ki an fors.

Seksyon 23 Lalwa curatelle 2021 I egzize ki I annan en egzekiter pou administre byen en defen.

Koman en endividi, oubyen atraver en avoka, ou kapab fer en laplikasyon par depoz en petisyon kot seksyon rezis dan Lofis Curatelle; pour apwent en egzekiter pou administre byen en defen. Apre ki oun depoz sa petisyon, Zofisye Sinnyor Curatelle ava takse bann dokiman pou peyman. Sa petisyoner ava pey bann fre pou fayle sa petisyon kot seksyon kontabilite. Apre sa, si tou dokiman i an ord, sa Zofisye Sinnyor Curatelle, ava donn en dat pour mansyonn zafer, ouswa pou ekout sa petisyon. Zizman Curator i ganny delivre dan lespas pli vit posib apre ki sa petisyon in ganny ekoute. Enn fwa ki sa i arive, sa petisyoner i bezwen pey en fre Senk San Swasann- Kenz roupi, pou anrezistre zizman Curator, par Divizyon Lanrezistreman e pou pibliy sa zizman dan Gazet Ofisyel, par biro Atorni Zeneral. Enn fwa ki in fer peyman, en kopi sa zizman i kapab ganny kolekte kot biro Curator.

Si tou keksoz i an ord, lapwentman en egzekiter, i kapab pran ant trwa a kat semenn.

Si i annan okenn ka parey, fodre ou konsilte ou avoka.

Si en dimoun I mor e in kit en testaman e ladan I nonm en egzekiter, en fwa ki en petisyon in ganny fayle kot Lofis Curatelle, Curator ava konfirm sa lapwentman.

Si en dimoun I mor e kit en testaman, me I pa nonm person koman egzekiter, enn fwa ki en petisyon I ganny fayle, kot Lofis Curatelle, Curator ava apwent en egzekiter.

Kan en dimoun I mor san ki in ekrir okenn testaman, en egzekiter/ egzekitris I bezwen ganny apwente pour rezourd sa sitiasyon.

Sa I tou depan lo lagreman ki ganny fer ant sa egzekiter ek bann zeritye.

Sa ki pou vin egzekiter I bezwen anmenn sa bann dokiman swivan. Nou rekomande ki kliyan I konsilte en reprezantan legal oubyen en avoka an ka ki I bezwen okenn lezot dokiman oubyen lenformasyon. Se normalman en avoka ki drafte petisyon, ki oblize e ganny ekspekte pou fourni kliyan avek konsey apropriye, konsernan fonksyon e devwar en egzekiter. Zeneralman, depandan lo sirkonstans, ou bezwen prodwir sa bann dokiman swivan:

1a) Kan sa defen pann kit okenn testaman

  • Sertifika lanmor sa defen.
  • Laprev zeritye dan 12 zenerasyon ( Sertifika nesans, anplis ki sertifika maryaz si I neseser)
  • Laprev koman propriyeter (lavant)
  • Dokiman Idantifikasyon Nasyonal sa dimoun ki pou vin egzekiter/ egzekitris.
  • Dokiman resers ofisyel ki konsern bann propriyete
  • Konsantman bann zeritye/ let notifikasyon
  • Afidavit bann alyas

1b) Dan bann ka kot sa defen in apwent en egzekiter dan son dernyen testaman.

  • Sertifika lanmor sa defen.
  • Kopi anrezistre e sertifye, dernyen testaman
  • Dokiman konmkwa sa defen i propriyeter byen imobilyer e mobilyer ( pou an akord avek lalwa rezistrasyon Later)
  • Dokiman Idantifikasyon Nasyonal sa dimoun ki pou vin egzekiter/ egzekitris.
  • Afidavit bann alyas

1c) Siksesyon par testaman- kot sa defen in kit en dernyen testaman me I pann apwent en egzekiter / egzekitris 

  • Sertifika lanmor sa defen.
  • Laprev zeritye dan 12 zenerasyon ( Sertifika nesans, anplis ki sertifika maryaz si I neseser)
  • Laprev koman propriyeter (lavant)
  • Dokiman Idantifikasyon Nasyonal sa dimoun ki pou vin egzekiter/ egzekitris.
  • Dokiman resers ofisyel ki konsern bann propriyete
  • Konsantman bann zeritye/ let notifikasyon
  • Afidavit bann alyas

I devwar en egzekiter pou

  • Fer en lenvanter bann byen sa defen
  • Pey tou det e lobligasyon legal sa defen
  • Partaz larestan bann byen parmi bann zeritye

An linny avek dernyen testaman sa defen, oubyen an konformite avek bann lalwa ki an fors konsernan leritaz

En egzekiter i bezwen akonplir son fonksyon e konplet sa siksesyon dan lespas 24 mwan depi dat lanmor sa defen. Curator i kapab aprouv en prolonzman sa letan. Toutfwa i pa pou donn sa laprouvasyon san rezon valab e sa I pa pou plis ki en peryod 12 mwan.

Wi, ou kapab sanz egzekiter. Ou bezwen premyerman fayle en ka devan Lakour Siprenm pou retir sa enn ki la aktyelman. Byensir, ou bezwen annan rezon valab e osi laprev pou siport ou petisyon.

Se Lakour Siprenm ki adres bann dispit konsernman leritaz. Konsilte ou avoka.

En nouvo egzekiter i ava ganny apwente. Dan en tel ka, I meyer pour rod lasistans en avoka, pour drafte bann dokiman legal ki neseser.

Sa kloz dan lalwa leritaz ava ganny aplike. Ou devret pran konsey avek en avoka.

Propriyete Abandonnen/ Absan

En propriete ki ganny konsidere abandonnen I kot en defen in kit deryer propriyete me I napa okenn zeritye. Sa I osi enkli propriyete ki pann ganny reklanmen, ki person pa kapab determinen lekel son propriyeter oubyen ki son propriyeter I absan e I enposib pour li ganny kontakte.

Kan Curator I annan rezon pour kwar ki i annan en siksesyon san zeritye, propriyete ki pann ganny reklanmen, oubyen propriyete ki abandonnen, oubyen pou en dimounn ki absan, Curator I kapab fer en laplikasyon ek lakour pour met sa propriyete dan son lanmen.

  • Whenever the Curator has reason to believe that there is a vacant succession, unclaimed property, or any property belonging or accruing to an absentee, the Curator shall apply to a Judge for an order to vest that vacant succession, unclaimed property or property of the absentee in the Curator.
  • En dimoun ki reklanm en lentere, kont okenn Vacant Estate i kapab demann Curator ouswa lakour pou premyerman met sa propriyete dan son lanmen. Apre sa I fayle en case kont Curator devan lakour pour etablir e determin son lentere. Si lakour i satisfe, I a donn en lord ki Curator I bezwen swiv.
  • En dimoun ki reklanm en lentere, kont okenn Vacant Estate i kapab demann Curator ouswa lakour pou premyerman met sa propriyete dan son lanmen. Apre sa I fayle en case kont Curator devan lakour pour etablir e determin son lentere. Si lakour i satisfe, I a donn en lord ki Curator I bezwen swiv.
  • Failing application by the Curator under section 5 any person may apply, after reasonable notice has been given in writing calling upon the Curator to make an application under section 5, by petition supported by affidavit for an order vesting in the Curator any vacant estate, unclaimed property or the right of any absentee.
  • An order made under subsection (1) may be made by a Judge on a summons calling on the Curator to show cause why it should not be made, and on satisfactory proof being adduced that such order is necessary for the protection of the rights of the applicant.

Fidisyer

En fidisyer I reprezantan legal bann diferan propriyeter lo en menm bout later. En fidisyer I kapab ganny apwente atraver en noter oubyen par Curator.

En fidisyer i kapab ganny apwente par en noter si tou bann ko-propriyeter i dakor. Kot bann ko-propriyeter pa kapab tonm dakor lo lapwentman en fidisyer, Curator I kapab, kot en petisyon I ganny fayle par enn ou plis propriyeter, apwent en fidisyer.

En ffidisyer I kapab enn parmi bann ko-propriyeter, oubyen en dimoun ki napa okenn lyen avek propriyeter.

Konfirm egzekiter k’in ganny apwente andeor Sesel

En ‘grant of probate’ I en lapwentman en egzekiter par en testaman kin ganny fer dan en zirisdiskyon andeor Sesel, ki ganny aprouve.

Curator i remet en ‘seal’ lo dokiman lapwentman oubyen let ladministrasyon k’in ganny donnen par en lakour dan en zirisdiksyon ki ganny rekonnet anba lalwa ‘Probates Re-Sealing Act 2022’. (dan ka kot sa defen I annan byen isi Sesel). Sa i konfirm lapwentman sa egzekiter pour li kapab fer son travay isi. En dimoun ki pe demann konfirmasyon son lapwentman anba souseksyon (1), I bezwen soumet en petisyon avek Curator ki siporte par en affidavit e ki akonpannyen par: under subsection (1) shall submit to the Curator a petition supported by an affidavit accompanied by —

  1. Kopi sa let ladministrasyon an akord avek seksyon 5 ki sa petisyoner pe demande pou konfirmen in accordance with that the petitioner seeks to reseal;
  2. Sertifika lanmor sa defen.
  3. Laprev lidantite sa aplikan
  4. Afidavit oubyen en deklarasyon dan affidavit ki siport bann alyas kot I neseser pour esplik oubyen rekonsilye okenn diferans oubyen disparite dan bann non ki aparet dan bann dokiman ki siport sa petisyon.